خدایا دل ز تقدیر تو خینه

خدایا دل ز تقدیر تو خینه
ادونوم رسم این دنیا همینه
گووم رهدیو بی تو مو غمونوم
غمت تش نهاد ب پوستو استوخونوم
تو بیدا ستاره ای این روزگاروم
ندونستوم ک نی مهنی کنارم
تش اگیره دلوم سی این ک دونه
ز این پس دی گووم داغس ایمونه
بیا سیل کن ک گویل چ اکنن سیت
بیا سیل کن ک دودیل چ اکنن سیت
همه دوندالو واویلا کنن سیت
ز این پس نیشنوه کس دی صداته
بمیروم تا نبندوم مو تیاته
نبند پارچه کفن ری عزیزوم
بهلین تا سی گووم خین هرس بریزوم
نبند پارچه کفن ریسه بلین واز
ادونوم دی گووم تی نکنه باز
دیدگاه ها (۳)

بَنگه پار و پیدار وِیده وا خیالم بو نِهاد به لاشم سُهده پِرک...

***

بِنه ای روزگاره چطور دنگ ایدراره بِنه چه دنگ و فنگی دِرورده ...

دل توامروزیه گلهای کاغذی میخواد ،دل من قدیمیه ای گلهارو میده...

در حال بارگزاری

خطا در دریافت مطلب های مرتبط