ِ نارِم جونی سی هَنِه تَمومِش کو

ِ نارِم جونی سی هَنِه تَمومِش کو
کِه دارِم عازی سی مَنِه تَمومِش کو

دِ خوم دِرمَنِمَه ایچه دیارِم نی
ولاتِ خویی نی، خِیری دِ کارم نی

ولاتِ خویی نی، دنگِ خَنَه دِش نی
مِه دونِم قورِسو هَم ایقه بی کِش نی

دِ وَقتی کِه نیسِت هِه چولَه بازارِش
میوارَه غَم دِ هَر کیچَه وُ دیوارِش

مریضیِه اوما وُ کُل ولاتِن بُرد
غَمِت طاعونی بی وُ شهر یِجا مُرد

هَمَه مُردن دِ دِل، نومِ تو مَن جاشو
مِه هَم رَتِم وِ دِل کَنِم دِ دُنیاشو

مِه بی کَس مَنِمَه غَم لَشکَری واشَه
میخَنَه غَم دِلِم زیر دس وُ پاشَه

دِما تو شَرِ خوم گَن بیَه دِ جونِم
شکَنجَه میکَه دیریت هِه مینالونِم

خوشینِه مین لَفاوِ داغِ تو کُشتِم
بیَه چَرخِم چَمَر، پَتی مَنَه مُشتِم

مَنَه مُشتِم پَتی، دِل پُر دِ خی اما
دِلِم هر چی کَشی دِش دَنگی وِر نِسا

#لر