له دەستم دێ

له دەستم دێ

لە دەستم دێ
کاتژمیری کامەرانیت، بوەستینم
لە دەستم دێ،
ئەلقەی پەنجەت پی فری دەم،
نامەی بەختت بسووتینم!

لە دەستم دی
هەموو شتی ئاشکرا کەم
کام شەوت گەش و ڕووناکە
ئەو شەوە فو لە چراکەم!

لە دەستم دی
بە دوو وشە،
دلی زاوای نوستووت، ڕەش کەم
لە خوشاوی
شەوی خوتان، بیبەشو کەم!

نامەکانت
یەک یەک ماون،
دیاریە سادەکانت
یەک یەک ماون،
چاویان شورە
دەست لە سەر سنگ بوم وەستاون!
لە تاوی ئەو کارەساتە
ئارەقەی شەرم ئەتکینن
موری حەزیکی ئاگرین
بە ناوچاوتەوە ئەلکینن!

تالیکی پرچت نەماوە
تیر تیر بونم نەکردبی
جیی دەرزییک
لە سینگی برسیت نەماوە
پەنجەم پەی پی نەبردبی!

بەلی گیانە
گەر بمەوێ
کاتژمیری کامەرانیت، بوەستینم
گەر بمەوێ
ئەلقەی پەنجەت پی فری دەم
نامەی بەختت بسووتینم
بەلگەم په یە
هەزار بەلگەی ئاشکراو ڕوون
بەلگەی چند سال، پیکەوە بوون
بەلام چ بکەم؟
خوشەویستیت
نەهەنگیکە
خوینی هەلچووم ئەخواتەوە
خوشەویستیت
ڕووباریکە
قینی ڕەشم ئەشواتەوە!