سئونلره یوخدور چارا بیلیرم

سئونلره یوخدور چارا بیلیرم
قایئت گولوم ،قایئت داها اؤلورم
باشدان او سئومک سوزلرین سیلیرم
قایئت گولوم،قایئت داها اؤلورم
بو عشقیمیز ناواخت یادیندان چیخیب
گئتمگینلن فلک ائویمی یخیب
آغلاما دای بسدی او سنی سخیب
قایئت گولوم،قایئت داها اؤلورم
اورک ده چوخلی سوزوم وار دؤزورم
بو سئودانین دنیزینده اؤزورم
سن اولماسان من غمینده حؤزورم
قایئت گولوم،قایئت داها اؤلورم
نیه گئلمیر دیه`حسرت` آغلاما
کونلووی سن چوخلی منه داغلاما
منده وفا یوخدور اورک باغلاما
قایئت گولوم،قایئت داها اؤلورم
گئلیب بیرده باشیم اوسته او باخدی
الین چئکیب قبیر داشیما یاخدی
گوزلر دولوب قارا بلوت دا شاخدی
قایئت گولوم،قایئت داها اؤلورم