من حه‌ز ئه‌که‌م

من حه‌ز ئه‌که‌م
که‌ تۆ هاتی به‌ میوانیم
بارینی باران ڕاگرم

پیم خوشه‌ به‌رز بمه‌وه‌
مانگ بو پیشوازیت داگرم

که‌ له‌سه‌ر شه‌قام ڕێ ئه‌که‌ی
گوڵ بروینم له‌به‌ر پیتا

بۆ ئه‌وه‌ی ئازار نه‌چیژی
تیشکی خۆر لابه‌م له‌ ڕیتا

بیوه‌ستینم گیژه‌لووکه‌
شه‌قامه‌کان ڕۆشن که‌م بوت

ببم به‌ دوو چاوی زیاده‌
هاوشانی چاوه‌کانی خۆت

ئاماده‌ بم بۆ پیشوازیت
به‌ ته‌واوی هزرو هه‌ستمه‌وه‌

ئینجا بی دوو دلی و گومان
ده‌ستت خه‌مه‌ ده‌ستمه‌وه‌

عاشق ئه‌بی به‌و جۆره‌ بی
بۆ ئه‌و که‌سه‌ی خوشی ئه‌وێ