خویشگه خاصگم کورده واره گم

خویشگه خاصگم کورده واره گم

                          اصیل و نجیب وفاداره گم

خویشگه خاصگم تو شیره ژنی

             هم دایه ی کاوه و هم دایه ی منی

خویشگه خاصگم لکی یا لری

                      سنجاوی گوران جافی کلهری

خویشگه تو دایه ی نیشتمانمی

                         شیره ژنگه ی کوردستانمی

خاص خود بناسه و با اصالتی

                        هم خاون ایمان هم نجابتی

با آرایشی زلف و شانه بو

                   نه رنگ و روغن دس بیگانه بو

خو تو رژیده ی نازار،پروردگاری

                نه محتاج رنگ نازار نه وه نگاری

جمالی خاصه خداداده بو

                   بی رنگ و ریا صاف و ساده بو

لباست بیلا فرم وطن بو

           لایق وه خوشی وه زماوند(زماون) بو

هلپرکه ت بیلا گَریان گَریان بو

                   مردم وه سیران بالاد حیران بو

سته یقه دوزعازیز بالاپوشت بو

                  کالای بیگانه نازار فراموشت بو

وه کلاو زرین عازیز زرین مقامت

               پنهان که عازیز زلفان خیاتی خانت

لچک شل بکه وه ریوش و ریشال

                    تا بوده پرچین نمای خط و خال