بو چولده باجی محنت هجران سنون اولسون

بو چولده باجی محنت هجران سنون اولسون
آغلار گوزیله زلف پریشان سنون اولسون
عهد ایلمیشم بوردا گرک تشنه ویرم جان
باشسیز بدنیم ایستی قوم اوسته قالا عریان
منلن یاتا بو چولده گرک یتمیش ایکی جان
شام ایچره باجی,منزل ویران سنون اولسون
بو دشت بلا اولموش عجب بزم مرتب
غم جامین ایدوبله می محنتله لبالب
تقسیم اولونوب آل پیمبر,باجی زینب
عباس منیم,عابد نالان,سنون اولسون
ترک اییلر عدو حرمت قرآن و.کتابی
یغمایه گیدر فاطمه نون طاقت و تابی
من اصغری آغوشه آلوم,سن ده ربابی
بو شرطیله,پیکان منیم,افغان سنون اولسون