یازیرام سـوزلـریمی نامه ده دلــــدار بـوله

یازیرام سـوزلـریمی نامه ده دلــــدار بـوله

قاصدیم یوخدی وئرم قورخورام اغیار بوله

گئجه لــرگل  یـوخــوما بیر دانیشاق آسـوده

دیمه دیـــــداریمیزی شمع شب تـــار بــولـه

عشق سئودا سینه باخ  یولچیلیق ایلیربوگویول

قــــــویما بیگانه مزمت له باخوب عار بوله

آیریلیق باغینی گـزدیم بـاشـا باش غم دردیم

گول بوداغیندن اوپوپ ایستمه دیم خار بوله

منــــی مجنون ائلیوب دربــــدرم چــوللـرده

قـــوی بـــو آواره لیگی چـرخ ستمکار بـوله

سرطان تک اریدیب جسمیمی فــکرون نیلوم

ایندی هر کیمسه باخوب رنگیمی بیمار بوله

منی میخانه لـره ســوق وئروب درد وغمین

تـــوبه سیندیـــرمـامیشام تا که گنهکار بـوله

حلقــة زلف نـــــگاریلـــه چــکون داره منـــی

بـوان الحق سسینی دهـــریده دینـــدار بــوله

اختـرا چکدی گونـوم درد و غم و نیسگیلیلن

قـوی یازوم سوزلریمی نـامه ده دلـدار بـوله